أغلبنا
فاكرين إن الحشيش والبانجو والماريجوانا 3 نباتات مختلفة واكتفينا بإننا
نعمل بيهم دماغ. الحقيقة إنهم 3 منتجات لنبات واحد اسمه "القنب الهندى أو
الكنابيس". الحشيش بيستخلص من الأوراق بواسطة مكابس. والبانجو هو اللى
بيتبقى من النبات كله بعد استخلاص الحشيش، وبيتساب ينشف. اما الماريجوانا
وهى متوفرة برا مصر، هى الأوراق كاملة قبل استخراج الحشيش منها.
العلماء
ما سكتوش وفضلوا يدورا وراهم وبقى فيه حاجة اسمها "زيت الماريجوانا" أو
الماريجوانا الطبية". ولها 10 استخدامات، واحد بس منهم كفيل إنه يخليها دوا
يتباع بروشتة عادى زى أى دواء!
١. الايدز
أكتر حاجة فاجئت العلماء إن
مادة "التى اتش سى" المعروف إنها بتعمل دماغ من النبات ده، قدرت توقف
انتشار فيروس الايدز جوا خلايا الجسم. ونجحت التجربة دى على القرود
المصابة بالايدز. وكل ما زودوا الجرعة كان الفيروس بيقل.
٢. السرطان
فى
مراحله المتقدمة السرطان بينتقل بين خلايا الجسم. الأبحاث أثبتت امكانية
استخلاص مواد غير مخدرة من الماريجوانا قادرة على الحد من انتشار السرطان
فى الجسم.
تم استخدام المواد دى مؤخرا فى عدد من حالات سرطان الدم المعروف باللوكيميا، ونجحت!
٣. الألم
الماريجوانا
لها تأثير مضاد للالتهابات، وبالتالى تعتبر مسكن للألم مفعوله أقوى من
الأسبرين مئات المرات. ونجح تجربته كمسكن على عدد كبير من الحالات من
ضمنها الصداع النصفى والروماتويد.
٤. الإدمان
النبات بيساعد على التقليل من الاعتماد على أدوية المورفينات والترامادول. لذلك بيتم استخدامه فى علاج الإدمان.
٥. الزهايمر
النبات
فيه مواد بتساعد على سريانه داخل المخ. وفى ٢٠٠٦ اكتشفوا فى دراسة قدرته
على وقف سريان انزيم وكتل بروتينيه، وبالتالى الحد من سرعة تطور الزهايمر
فى المخ.
٦. الإكتئاب والتوتر
كشفت
دراسة إن استخدام الماريجوانا بشكل متكرر أو يومى، يقلل أعراض الاكتئاب
والتوتر ومرض "نقص الانتباه وفرط الحركية" أو ما يطلق عليه ADHD.
٧. الصرع
بالصدفة اكتشف العلماء أيضا قدرة النبات على منع التشنجات. وبالتالى قدرته على المساعدة فى علاج الصرع عند الأطفال.
٨. الارتجاج والسكتات الدماغية
وفى
بحث آخر اكتشفوا تأثير النبات على حماية الجهاز العصبى، خاصة فى حالات
الارتجاج والسكتات الدماغية. أصبح من الممكن استخدامه للعلاج بعد الحوادث
والصدمات.
٩. الجلوكوما
أثناء
تجربة تناول مرضى الجلوكوما أو "الزرقى" (أو بيقال عليها الميه الزرقا على
العين) للنبات، اكتشفوا قدرته على تقليل ضغط العين المرتفع عند المرضى،
وقدرته أيضا على منع فقدان البصر.
١٠. السكر
وفى
دراسة أخرى على مرضى السكر باستخدام الماريجوانا، اكتشفوا إن مقاومة جسمهم
للانسولين أقل من المرضى خارج الدراسة. بسبب قدرة النبات على تحسين عملية
التمثيل الغذائى للكربوهيدات (يعنى بتحرق أحسن)، المشكلة الأساسية لمرضى
السكر.
فى النهاية
الماريجوانا عند نزولها السوق كدواء مش هـ تنزل سجاير ملفوفة أكيد، لكن فى
صورة حقن، وأقراص، وبخاخات. فما تحاولش تسبق الأحداث وتقرر تلاقى مبرر إنك
"تتعالج" بيها من دلوقتى!
